الرئيسية » الترفيه » ردود أفعال الفنانين علي حلم الفنانة شيرين عبد الوهاب أكل العنب

ردود أفعال الفنانين علي حلم الفنانة شيرين عبد الوهاب أكل العنب

علق الإعلامي عمرو أديب، مساء الثلاثاء، على تصريحات الفنانة شيرين عبد الوهاب، حول كونها رأت الرئيس عبد الفتاح السيسي، في منامها، وكانت جالسة وسط حشد من الأشخاص، و«كان الرئيس بيأكلها عنب ونازل منه عسل أبيض»، وذلك خلال حوار لها مع الإعلامي وائل الإبراشي، ببرنامج «العاشرة مساءً»، عبر فضائية «دريم».

وانتابت «أديب»، وزميلته الإعلامية رانيا بدوي، نوبة ضحك هيستيرية، خلال تقديمهما برنامج «القاهرة اليوم»، عبر قناة «اليوم»؛ فيما قال «أديب»: «يعني الغلبانة اللي بقالهم كام يوم ماسكينها على الفيسبوك، قالتلك حلمت أن السيسي بيأكلنا عنب نازل منه عسل»، فيما قاطعته «رانيا» وهي تضحك بشدة: «يا ريت لو نطلع فاصل أحسن».

أضاف أديب: «عملين في (BBC) وثائقي عن الفراعنة الحكام في مصر، وكانوا بيتكلموا عن مبارك والسادات وعبد الناصر، وإزاي الشعب المصري بيوصل الحاكم لمرحلة الفرعون.. قال قالتله شوفتك بتأكلنا عنب بينقط عسل، طيب كُلي بقى العسل، كلنا شايفين العسل، ده حتى البلد كلها بقت ملزقة، والعنب كمان زي الفل، والله لا في عنب ولا في عسل»؛ ومن جانبها علقت «رانيا»: «طيب ما في عنب وعسل أهوه في مصر، ليه بقى نكون زعلانين».

تابع «أديب»: «على فكرة إحنا حلمنا إن السيسي هيأكلنا عنب بينقط منه عسل، وحلمنا إن مبارك هيأكلنا عنب بينقط منه عسل، وحلمنا إن أنور السادات هيأكلنا عنب بينقط منه عسل، وحلمنا إن عبد الناصر هيأكلنا عنب بينقط منه عسل، ولكن النتيجة الوحيدة إن جالنا سكر، هو ده الشيء الوحيد اللي جالنا في مصر»؛ وعقبت «رانيا»: «بس لسه السيسي ما أخدش فرصته، وعبد الناصر أكلنا عنب وبينقط منه عسل بس إحنا بوظناه بعد كده، وجالنا سكر صحيح، بس من كتر العنب أبو عسل».

اترك رد